18 აპრილი-13 ივნისი, 2026

Neuro360: დაინახე სრული სურათი

საგამოცდო თემატიკაზე ორიენტირებული ნეირომეცნიერების სასწავლო სერია, რომელიც შეესაბამება საერთაშორისო კლინიკურ სტანდარტებს (მათ შორის, PLAB, UKMLA, USMLE, FMGE და AMC გამოცდების მოთხოვნებს):

ეპიზოდი 1: ინსულტი - ყურადღება გამახვილდა სიმპტომების სწრაფ ამოცნობაზე, იშემიური და ჰემორაგიული ინსულტების კლასიფიკაციაზე, კლინიკური შემთხვევების განხილვასა და გადაუდებელი მართვის გამარტივებულ მიდგომებზე.

ეპიზოდი 2: ეპილეფსია - მოიცავდა გულყრის კლასიფიკაციას, საგანგაშო ნიშნების ამოცნობას, დიაგნოსტიკურ მიდგომებს, ეპილეფსიური სტატუსის მართვასა და სტრუქტურირებულ კლინიკურ აზროვნებას.

ეპიზოდი 3: ნეიროლოგიური გადაუდებელი მდგომარეობები - თავის ტვინის სიმსივნეები, მენინგიტი, თავის ტვინის ტრავმული დაზიანებები და ხერხემლისა და ზურგის ტვინის მწვავე კომპრესია.

24 მაისი-28 ივნისი, 2026

კონფერენციები და ვორქშოპები

დენდის დღე 2026 (მულტიდისციპლინური კონფერენცია) - მოიცავდა პანელურ დისკუსიებს, პრეზენტაციებსა და პრაქტიკულ მასტერკლასებს (ვენტრიკულოსტომია, პერიფერიული ნერვული სისტემის დაზიანებები და თავის ტკივილის შეფასება).

ენდოვასკულური საზღვრები 2026 - ჩატარდა დენდის ლოკალური გუნდების  (NVU, GAU, UG, EU) ერთობლივი ორგანიზებით. ღონისძიება დაეთმო ცერებროვასკულურ მოვლასა და თერაპიულ ენდოვასკულურ ტექნიკებს (თრომბექტომია, ემბოლიზაცია).

კლინიკური უნარები 360: თეორიიდან პალატამდე - EduGradient-თან პარტნიორობით ჩატარებული სიმულაციური პროგრამა, რომელიც მოიცავდა ინსულტის შეფასებასა და ტრიაჟს, ნეირო-ინტენსიურ თერაპიაში სასუნთქი გზების მართვას, არტერიული სისხლის გაზების (ABG) ინტერპრეტაციას, ინტრავენურ კათეტერიზაციას, ნეიროქირურგიულ შეხვევასა და ლაპაროსკოპიულ უნარებზე მუშაობას.

26-27 აპრილი, 2025

ტუტორების სესია: შინაგანი მედიცინა II

ორდღიანი სესია შინაგანი მედიცინის ფინალური OSCE გამოცდისთვის მოსამზადებლად.

სესია 1 (26 აპრილი, 6 საათი): მოიცავდა OSCE-ის შემთხვევების განხილვასა და კლინიკური გამოკვლევის ძირითადი ტექნიკებისა და დიაგნოსტიკური მიდგომების სწავლებას.
სესია 2 (27 აპრილი, 3 საათი): იმიტირებული გამოცდა. შეზღუდულ დროში სტუდენტებს უნდა დაეძლიათ სხვადასხვა საგამოცდო კომპონენტი.

ღონისძიებამ ხელი შეუწყო როგორც პროფესიული კომპეტენციების გამყარებას, ასევე გამოცდისთვის თვითდაჯერებულობის ამაღლებას.

21 მარტი, 2025

ღონისძიება ინსულტის შესახებ ცნობიერების ასამაღლებლად

სემინარი მოიცავდა ორ ძირითად სეგმენტს: 

1. იშემიური ინსულტის პათოფიზიოლოგია სიმპტომების ადრეულ ამოცნობისა და დიაგნოსტიკის ინსტრუმენტები: კომპიუტერული ტომოგრაფია (CTA), მაგნიტურ-რეზონანსული ტომოგრაფია და ცერებრალური ანგიოგრაფია. 

2. თრომბექტომიის პრაქტიკული სიმულაცია: მონაწილეები სპეციალურ მოდელზე ასრულებდნენ პროცედურას _ თიხის „თრომბი“ მავთულით ბლოკავდა არტერიას, მონაწილეებმა გამოიყენეს ასპირაციული კათეტერები თრომბის მოსაცილებლად და პროცედურა დაასრულეს ე.წ. „პარაშუტის ანასტომოზით“.

22 სექტემბერი, 2024

კლუბის მიზანია ინტერაქტიული და აქტიური სასწავლო გარემოს შექმნა ნეიროქირურგიითა და ნევროლოგიით დაინტერესებული მედიცინის სტუდენტებისა და პროფესიონალებისათვის. ღონისძიების მთავარი ამოცანა იყო უახლესი გამოცდილების გაზიარება, პრაქტიკული სწავლება და დისკუსიების ორგანიზება ნეიროქირურგიის სფეროში არსებულ მიღწევებზე.

დისკუსიაში მონაწილეობდნენ ნეიროქირურგები და ფსიქიატრები: ლიკა ხორბადაძე, მადონა ახობაძე, მადონა სეხნიაშვილი და მაგდა გერანტია.

ღონისძიების ფარგლებში განიხილეს თემები:

• ლუმბარული პუნქცია და ცერებროსპინალური სითხის (CSF) ანალიზი: პრაქტიკული სემინარი, სადაც მონაწილეებმა ისწავლეს ლუმბარული პუნქციის ტექნიკა და მისი მნიშვნელობა ნევროლოგიური დაავადებების დიაგნოსტიკაში.
• ნეირორადიოლოგია: დეტალური მიმოხილვა გამოსახულების ტექნიკებისა და მათი ნეიროქირურგიაში გამოყენების შესახებ.

• Neuronerds ტვინის ანატომია: სესია დაეთმო ტვინის ანატომიისა და კლინკურ გარემოში მისი მნიშვნელობის დეტალურ განხილვას.
• ნეიროქირურგია: დისკუსია ოპერაციის შემდგომი მოვლისა და მონიტორინგის მნიშვნელობაზე.

ვორქშოპი დასრულდა შეჯიბრებით: Brain Bee. მონაწილეებმა გამოავლინეს საკუთარი ცოდნა და შესაძლებლობები ნეიროქირურგიის დარგში, გამარჯვებულები დაჯილდოვდნენ სერტიფიკატებით.